Një raund i ri bisedimesh bërthamore midis SHBA-së dhe Iranit pritet të zhvillohet në kryeqytetin e Pakistanit të hënën, sipas një lajmi të publikuar të premten nga CNN, transmeton Anadolu.
Burime iraniane të njohura me negociatat kanë thënë se negociatorët nga të dyja palët pritet të mbërrijnë në Islamabad të dielën, tha media.
As qeveria e SHBA-së dhe as ajo e Iranit nuk kanë lëshuar një deklaratë që konfirmon lajmin, por presidenti Donald Trump më herët ka thënë se negociatat mund të zhvillohen gjatë fundjavës.
Një raund i mëparshëm bisedimesh i zhvilluar fundjavën e kaluar përfundoi pa marrëveshje, pavarësisht orëve të tëra negociatash. Një armëpushim dyjavor i ndërmjetësuar nga Pakistani pritet të skadojë në fillim të javës së ardhshme.
