Liga Arabe e quajti sot para Gjykatës Ndërkombëtare të Drejtësisë në Hagë pushtimin e territoreve palestineze nga Izraeli “një fyerje ndaj drejtësisë ndërkombëtare”.
Gjykata Ndërkombëtare e Drejtësisë në Hagë përfundon sot një javë seancash mbi pasojat ligjore të okupimit të tokës palestineze nga Izraeli që nga viti 1967, me një numër të paprecedentë të 52 vendeve të thirrura për të dëshmuar.
“Ky pushtim i zgjatur është një fyerje për drejtësinë ndërkombëtare,” u tha gjyqtarëve zëdhënësi i Ligës Arabe. “Dështimi për t’i dhënë fund ka çuar në mizoritë që po kryhen tani kundër popullit palestinez, që përbëjnë gjenocid,” tha Abdel Hakim El-Rifai.
OKB-ja i kërkoi gjykatës të lëshojë një “opinion jo të detyrueshëm” mbi “pasojat ligjore të politikave dhe praktikave të Izraelit në territoret e pushtuara palestineze, përfshirë Jeruzalemin Lindor”.
Izraeli nuk merr pjesë në seancat dëgjimore, por ka dorëzuar një deklaratë me shkrim duke i quajtur pyetjet e bëra në gjykatë paragjykuese.
Këto seanca janë të ndara nga çështja e paraqitur në Gjykatën Ndërkombëtare të Drejtësisë nga Afrika e Jugut, e cila akuzon Izraelin për kryerjen e akteve të gjenocidit në Gaza. Në janar gjykata i bëri thirrje Izraelit të parandalonte çdo akt të mundshëm gjenocidi në enklavën e vogël palestineze, por nuk përmendi një armëpushim. /abcnews
