Aivo Orav do të jetë përfaqësues i posaçëm i Bashkimit Evropian në Kosovë.
Kështu bëhet e ditur në një postim në platformën X të Zyrës së Bashkimit Evropian në Kosovë.
Tutje thuhet se ai do të udhëheqë përpjekjet për të promovuar një Kosovë të qëndrueshme, paqësore, demokratike dhe multietnike dhe do të mbështesë perspektivën evropiane të Kosovës.
Për emërimin e tij ka njoftuar edhe Këshilli i Bashkimit Evropian.
“Orav aktualisht është Përfaqësuesi i Përhershëm i Estonisë në BE dhe më parë ka shërbyer si Shef i Delegacioneve të BE-së në Mal të Zi dhe Maqedoninë e Veriut.
The post Aivo Orav emërohet ambasador i ri i BE-së në Kosovë first appeared on Radio Televizioni Iliria.
