Kompania ajrore e Greqisë, Aegean, njoftoi se fluturimet e saj për në Tel Aviv janë anuluar deri më 8 gusht për arsye sigurie, transmeton Anadolu.
Në deklaratën e kompanisë, thuhet se data e pezullimit të fluturimeve për në Aeroportin Ndërkombëtar Ben Gurion në Tel Aviv është zgjatur për shkak të zhvillimeve të fundit në Lindjen e Mesme.
Në këtë kuadër njoftohet se vendimi i njoftuar më parë për pezullimin e të gjitha fluturimeve drejt Tel Avivit deri më 6 gusht, është shtyrë deri më 8 gusht për arsye sigurie.
Vendimi për pezullimin e fluturimeve për në Aeroportin Ndërkombëtar Rafic Hariri në Bejrut deri më 8 gusht vazhdon, informohet në deklaratën ku bëhet e ditur se edhe të gjitha fluturimet drejt Aeroportit Ndërkombëtar të Mbretëreshës Alia në Aman janë pezulluar gjithashtu deri në të njëjtën datë.
Në deklaratë thuhet se pasagjerët të cilëve u janë anuluar fluturimet, mund të rezervojnë sërish ose të kërkojnë rikthimin e parave.
