Presidenti i Palestinës, Mahmoud Abbas, ka uruar popullin palestinez brenda dhe jashtë vendit, si dhe mbarë botën arabe dhe islame, me rastin e festës së Kurban Bajramit.
Në mesazhin e tij, Abbas shprehu shpresën që kjo festë të rikthehet për palestinezët me përfundimin e luftës në Rripin e Gazës dhe me ndaljen e sulmeve ndaj qyteteve, fshatrave dhe kampeve të refugjatëve palestinezë në Bregun Perëndimor, përfshirë Jerusalemin.
Ai theksoi gjithashtu dëshirën që të realizohen aspiratat e popullit palestinez për liri, pavarësi dhe themelimin e një shteti të pavarur palestinez me Jerusalemin Lindor si kryeqytet.
Presidenti palestinez u lut për mëshirën e Zotit mbi të vrarët gjatë konfliktit, për shërim të shpejtë të të plagosurve dhe për lirimin e të burgosurve palestinezë.
Në fund të mesazhit, Abbas uroi edhe popujt dhe liderët e vendeve arabe dhe islame, duke shprehur dëshirën për shëndet, stabilitet, përparim dhe mirëqenie për të gjitha kombet islame. /mesazhi
