Një person ka vdekur në orët e para të së martës në një aksident trafiku në fshatin Shtaricë të Klinës.
Policia e Kosovës ka njoftuar se në aksident janë përfshirë dy vetura, e shoferi i njërës po lëvizte në drejtim të fshatit Ujmir, e më të mbërritur në Shtaricë ka kaluar në anën e majtë dhe me pjesën ballore është përplasur me automjetin e viktimës.
“Në vend të ngjarjes mjeku kujdestar ka konstatuar vdekjen e njërit nga të lënduarit ( i dyshuari) gjersa tre persona të lënduar janë dërguar për në Spitalin Rajonal në Pejë për tretman mjekësor”, thuhet në njoftimin policor.
Trupi i pajetë i viktimës është dërguar në Institutin e Mjekësisë Ligjore (IML) për obduksion.
Rasti po hetohet.