Studiuesit: Ngrohja globale mund të ketë pasoja të tmerrshme për pinguinët
Shkrirja e akullit rreth Antarktidës ka arritur nivele të ulëta rekord. Qendra Kombëtare e të Dhënave për Borën dhe Akullin e SHBA-së (NSIDC), ka ngritur alarmin se ndikimi i ndryshimeve klimatike po rritet.
Studiuesit paralajmërojnë se ndryshimi i klimës mund të ketë pasoja të tmerrshme për kafshët si pinguinët që shumohen. Shtrirja e akullit arriti kulmin këtë vit më 10 shtator, pasi mbulonte vetëm 16.956 milionë kilometra katrorë, niveli më i ulët që nga fillimi i regjistrimeve satelitore në vitin 1979.
“Unë mendoj se mesazhi kryesor këtu është se për të mbrojtur këto pjesë të ngrira të botës, që janë vërtet të rëndësishme për një sërë arsyesh. Ne me të vërtetë duhet të reduktojmë emetimet tona të gazeve serrë sa më shumë që të mundemi. Le të bëjmë ndryshime për të ardhmen.”
Arktiku është goditur rëndë nga ndryshimet klimatike gjatë dekadës së fundit, me akullin e detit që po shkrihet me shpejtësi pasi rajoni ngrohet katër herë më shpejt se mesatarja globale.
Sipas edhe një artikulli i botuar në fillim të këtij muaji në revistën “Communications Earth and Environment” vuri në dukje ndryshimin e klimës shihet si një faktor potencial për shkrirjen e akullnajave.
“Kjo filloi në verë. Akulli i detit ishte shumë më i ulët. Mungonin dy milion e gjysmë kilometra katrorë akull deti, që është sa zona e Australisë Perëndimore. Pra efekti el Nino dhe shumë faktorë të tjerë po çojnë në shkrirjen e tyre në një masë të madhe.”
Studimi zbuloi se ngrohja e temperaturave të oqeanit, e nxitur kryesisht nga emetimet e gazrave serrë të shkaktuara nga njeriu, po kontribuon në nivelet më të ulëta të akullit të detit të parë që nga viti 2016. /klan
