Mëngjesin e sotëm një sulm i armatosur është kryer ndaj ambasadës së Azerbajxhanit në kryeqytetin e Iranit, Teheran, me ç’rast humbi jetën shefi i sigurimit.
Sulmi terrorist ndaj ambasadës së Azerbajxhanit në Teheran për presidentin azerbejxhanas İlham Aliyev është i papranueshëm.
Ai me anë të një postimi nga llogaria e tij në Twitter kërkoi që kjo ngjarje e trishtë të hetohet sa më parë.
“Dënoj fuqimisht aktin terrorist të kryer sot ndaj ambasadës tonë në Teheran. Shpreh ngushëllimet familjarëve dhe të afërmëve të togerit Orhan Asgerov i cili ra dëshmor duke mbrojtur ambasadën dhe punonjësit e saj. Kërkojmë që sulmi terrorist të hetohet sa më parë dhe të ndëshkohen terroristët. Sulmi terrorist ndaj misioneve diplomatike është i papranueshëm”.
Kujtojmë që mëngjesin e sotëm një sulm i armatosur është kryer ndaj ambasadës së Azerbajxhanit në kryeqytetin e Iranit, Teheran.
Agresori i cili hapi zjarr me një armë automatike kallashnikov, vrau shefin e sigurimit të ambasadës dhe plagosi dy punonjës të tjerë të sigurisë.
Po ashtu, edhe ministria e Jashtme e Azerbajxhanit dënoi sulmin dhe njoftoi se ambasada në Teheran do të evakuohet. /trt
