Ambasadorët e akredituar në Kosovë, kanë reaguar pas sulmeve të mbrëmshme ndaj pjesëtareve të EULEX-it dhe Policisë së Kosovë, në veri të vendit, duke i quajtur të papranueshme.
Ambasada e Italisë në Kosovë, përmes një reagimi në Twitter, ka shkruar se sulme të tilla me shok-bomba në drejtim të personelit të sigurisë të bashkësisë ndërkombëtare në Kosovë dhe ndaj Policisë së Kosovës, janë të pajustifikueshme.
Ambasada e Italisë në Kosovë, ka deklaruar se i dënon ashpër këto akte që ndodhën të shtunën në veri të Mitrovicës.
“Sulmet ndaj policisë së Kosovës dhe personelit të sigurisë së bashkësisë ndërkombëtare si EULEX-i, nuk kanë fare justifikim. Ne i dënojmë këto akte në termat më të ashpër”, thuhet në reagim.
