Arabia Saudite tha se do të jetë organizatore e radhës e Samitit Arab, raporton Anadolu Agency (AA).
“Bazuar në dëshirën e Mbretërisë për të përjetësuar bashkëpunimin ekzistues, njoftojmë se vendi ynë do të presë Samitin e 32-të Arab”, tha ministri i Jashtëm saudit Princi Faisal bin Farhan në Samitin e 31-të Arab në Algjeri.
“Ne mirëpresim liderët e vendeve anëtare në vendin e tyre të dytë”, shtoi ai.
Samiti dyditor arab u mbyll vonë të mërkuren. Ky ishte samiti i parë që u mbajt në tre vjet që nga shpërthimi i pandemisë së koronavirusit. Tunizia ishte e fundit që priti samitin në vitin 2019.
