Artistët spanjollë publikuan video në mediat sociale për të treguar reagimin e tyre kundër Izraelit i cili që nga 7 tetori vazhdon duke rritur sulmet kundër Rripit të Gazës dhe për t’i bërë thirrje komunitetit ndërkombëtar që të marrë masa kundër këtij krimi kundër njerëzimit, raporton Anadolu.
Një grup artistësh spanjollë përfshirë Alba Flores e cila ka luajtur personazhin “Nairobi” në serialin “La Casa de Papel”, aktorët Pepe Viyuela, Alberto San Juan, Juan Diego Botto, këngëtaren Amparo Sanchez, këngëtarin dhe poetin Marwam, ngritën zërin e tyre në median sociale për të mbështetur Palestinën.
Në videon e tyre artistët theksuan: “Izraeli që nga 7 tetori e deri më tani vazhdon të bombardojë pa dallime në Rripin e Gazës. Izraeli i cili bombardon në mënyrë sistematike Gazën për të shkaktuar dëmin më të madh ndaj popullit palestinez, shënjestron kryesisht shkollat, shtëpitë, spitalet, strukturat civile, xhamitë dhe ambulancat. Deri më tani ka vrarë mbi 20 mijë njerëz dhe 70 për qind e këtyre janë gra dhe fëmijë. Sipas ‘Save the Children’ në Gaza vritet një fëmijë në çdo 10 minuta”.
“Çdo qeveri ka përgjegjësi që duhet të përmbushë për të mbrojtur të drejtat e njeriut dhe për të siguruar paqen. Qeveritë mund dhe duhet të marrin masa ndaj krimit kundër njerëzimit të kryer nga Izraeli. Prokurori i Gjykatës Ndërkombëtare Penale ka ngritur hetime për krimet kundër njerëzimit dhe shumë persona i përkufizojnë si gjenocid ato që kanë ndodhur. Qeveria spanjolle ka thënë se sulmet e Izraelit ndaj Gazës janë të papranueshme. Parlamenti Evropian ka thënë ‘Mjaft tashmë’. Qeveria duhet të ndërmarrë edhe një hap. Të ndalë tregtinë e armëve me Izraelin”, thuhet ndër të tjera në video.
Artistë të shumtë në Spanjë, në mënyra të ndryshme shprehin reagimet e tyre kundër Izraelit për shkak të sulmeve të tij ndaj Gazës. Qindra artistë, intelektualë dhe gazetarë kanë nënshkruar në fushatën me nënshkrime që filloi në vend duke kërkuar “armëpushim të menjëhershëm dhe të përhershëm” dhe në manifestin me titull “Lufta duhet të ndalet. As terrorizëm as gjenocid”.
Varios famosos entre los que están Pepe Viyuela, Alba Flores, Alberto San Juan o Juan Diego Botto han creado un vídeo para presionar a Pedro Sánchez con el objetivo de que España deje de comerciar con armas con Israel.
Aquí os lo dejo:
pic.twitter.com/enU8fKMcPe
— #PorQuéTT (@xqTTs) December 19, 2023
