Astronauti i parë i Emirateve me kohëzgjatje të gjatë që arriti në hapësirë fotografoi Mekën të hënën (26 qershor) gjatë kohës së haxhit.
Astronauti i Emirateve të Bashkuara Arabe (EBA), Sulltan Al Neyadi, i cili gjithashtu vëzhgoi Ramazanin jashtë Tokës menjëherë pas nisjes së tij më 2 mars në Stacionin Ndërkombëtar të Hapësirës (ISS), përshendeti Haxhin me një postim në Twitter që tregonte qytetin e shenjtë të Arabisë Saudite.
“Sot është Dita e Arafatit, ditë kryesore gjatë Haxhit, që na kujton se besimi nuk ka të bëjë vetëm me besimin, por edhe me veprimin dhe reflektimin,” shkroi Al Neyadi të martën (27 qershor) në Twitter në një postim që shfaqte foton, të cilën ai e shkrepi të hënën. “Na frymëzoftë të gjithëve që të përpiqemi për dhembshuri, përulësi dhe unitet.”
Al Neyadi e praktikon Islamin, por nuk tha në tweet-in e tij nëse e ka kryer ende haxhin.
Gjatë muajit të Ramazanit të sivjetmë Al Neyadi vazhdimisht ka dërguar foto të vendeve Islame nga hapësira.
Ndërsa është në hapësirë, Al Neyadi planifikon të kryejë 19 eksperimente që mbulojnë çështje të tilla si rrezatimi, gjumi, dhimbjet e shpinës dhe shkenca materiale, sipas një pasqyre të ofruar nga Qendra Hapësinore Mohammad Bin Rashid, e cila menaxhon programin e astronautëve të Emirateve të Bashkuara Arabe.
