Zyra për Media e Qeverisë së Gazës thotë se forcat izraelite kanë kryer shkelje të shfrenuara, duke përfshirë krime kundër njerëzimit, të cilat së bashku përshtaten me përkufizimin ligjor të gjenocidit.
Këtu janë disa nga krimet e luftës që zyra tha se Izraeli i ka kryer që nga 7 tetori:
Vrasje të qëllimshme: Izraeli ka vrarë rreth 30,000 palestinezë.
Tortura: Izraeli ka arrestuar 2600 palestinezë dhe ka raporte të besueshme që shumë prej tyre janë keqtrajtuar.
Zhvendosje e detyruar: Forcat izraelite kanë detyruar më shumë se 80 për qind të njerëzve në Gaza të largohen nga shtëpitë e tyre.
Marrja e pengjeve: Zyra thotë se forcat izraelite kanë marrë peng civilë palestinezë dhe i kanë përdorur si mburoja njerëzore në disa operacione ushtarake.
Përdorimi i urisë si një armë lufte: Izraeli ka vendosur një rrethim të ashpër, duke parandaluar hyrjen e ndihmave humanitare në Gaza dhe gjithashtu duke qëlluar autokolonat e ndihmës.
Bombardimi i shtëpive, vend-faljeve dhe shkollave: Sipas zyrës, Izraeli ka shkatërruar më shumë se 500 xhami dhe kisha, 300 institucione arsimore dhe 360,000 njësi banimi.
Synimi i vendeve të trashëgimisë: Izraeli ka shkatërruar më shumë se 200 vende kulturore, duke përfshirë disa që janë të vjetra shekullore.
Synimi i qendrave mjekësore: “Izraeli kryen qëllimisht sulme ushtarake kundër objekteve mjekësore në të gjithë Gazën për t’i privuar palestinezët nga çdo shans për të mbijetuar”, duke vënë jashtë shërbimit 31 nga 35 spitalet në Gaza.
