Në Khan Younis dhe zona të tjera të Gazës jugore, palestinezët po mbledhin plastikë nga një vendgrumbullim mbeturinash për ta përdorur si lëndë djegëse për gatim, pasi mungesa e karburantit është bërë kritike.
Sipas UNRWA-s, pothuajse të gjitha tokat bujqësore në Gaza janë shkatërruar ose janë të paarritshme, ndërsa vetëm një pjesë shumë e vogël ka mbetur e padëmtuar – duke e bërë edhe më të vështirë sigurimin e burimeve ushqimore.
Krizës së ushqimit i shtohet edhe kriza e karburantit: mungesat e thella kanë detyruar banorët të djegin mbeturina plastike, pavarësisht tymit toksik që prodhohet. OKB-ja paralajmëron se situata ka arritur një nivel ekzistencial për 2.1 milionë banorët e Gazës, teksa lufta vazhdon për më shumë se dy vjet. /mesazhi
