Mbi 900,000 palestinezë të zhvendosur në jug të Gazës rrezikojnë përmbytje serioze për shkak të një sistemi të fuqishëm stuhishë që po afrohet, paralajmërojnë autoritetet komunale mes krizës humanitare dhe shkatërrimit të gjerë pas dy viteve luftë.
Zëdhënësi i Komunës së Khan Younis, Saeb Lakkan, tha se stuhia “është e rrezikshme dhe kërcënon të përmbysë mijëra tenda përgjatë bregdetit dhe të dëmtojë zona të mëdha brenda qytetit”, duke theksuar se rrjetet e kanalizimeve janë shembur dhe pellgjet e ujërave të shiut janë mbushur në nivele alarmante.
Departamenti Palestinez i Meteorologjisë paralajmëroi për përmbytje të menjëhershme të premten dhe të shtunën në lugina dhe zona të ulëta.
Lakkan shtoi se sulmet izraelite kanë shkatërruar rreth 210,000 metra rrugë, 300,000 metra tubacione uji dhe 120,000 metra linja të ujërave të zeza, duke e lënë qytetin pothuajse plotësisht të paralizuar ndërsa banorët presin stuhinë. /mesazhi
