RTV AHIRETI
LajmeRajon dhe Botë

Bashkimi Afrikan u kërkon udhëheqësve të puçit në Niger të kthehen në kazerma

bashkimi-afrikan-u-kerkon-udheheqesve-te-pucit-ne-niger-te-kthehen-ne-kazerma

Bashkimi Afrikan u tha udhëheqësve të puçit ushtarak në Niger të shtunën se kanë 15 ditë për t’u kthyer në kazermat e tyre dhe për të rivendosur autoritetin kushtetues pas grushtit të shtetit në fillim të kësaj jave, transmeton Anadolu.

Këshilli i Paqes dhe Sigurisë i Bashkimit Afrikan e bëri kërkesën në një deklaratë pas një takimi të premten mbi situatën në Niger.

Gjenerali Abdourahamane Tchiani, komandanti i gardës presidenciale të Nigerit, e shpalli veten kreun e një qeverie kalimtare të premten, dy ditë pasi ushtarët rrëzuan presidentin Mohamed Bazoum.

Këshilli i Paqes dhe Sigurisë “kërkon që ushtria të kthehet menjëherë dhe pa kushte në kazermat e tyre dhe rivendosjen e autoritetit kushtetues, brenda një periudhe maksimale prej 15 ditësh”, thuhet në një deklaratë.

Këshilli shprehu shqetësim të thellë për rigjallërimin shqetësues të grushteve të shtetit, për të cilat tha se minojnë demokracinë, paqen, sigurinë dhe stabilitetin në kontinent dhe ritheksoi “politikën e tij të tolerancës zero ndaj ndryshimeve jokushtetuese të qeverisë”.

Duke paralajmëruar masa ndëshkuese, duke përfshirë sanksione ndaj autorëve, deklarata kërkon lirimin e menjëhershëm dhe të pakushtëzuar të presidentit Bazoum dhe të gjithë të arrestuarve.

Udhëheqësit e Komunitetit Ekonomik të Shteteve të Afrikës Perëndimore (ECOWAS) do të takohen të dielën në Nigeri për të diskutuar situatën politike në Niger.

Related posts

Osmani sot takon përfaqësuesit e OVL të UÇK-së

rezart morina

Rusia po kompenson humbjet/ Ministria e Mbrojtjes në Britani: Putin përpiqet të rekrutojë mercenarë nga…

admin

Joe Biden jep “OK”, Ukraina lejohet të godasë disa objektiva në Rusi me armë amerikane

admin