Bashkimi Evropian u ka dërguar Kosovës dhe Serbisë, tekstin e fundit të propozimit franko-gjerman për çështjen e dialogut.
Kështu ka bërë të ditur Përfaqësuesi i Lartë i BE-së, Josep Borrell në Samitin e BE-së me Ballkanin Perëndimor që po mbahet në Tiranë.
“Teksti i fundit u është dërguar dje Beogradit dhe Kosovës dhe tashmë janë ata që duhet të nisin diskutime serioze, sepse është një moment që ka mundësi të madhe”, ka thënë Borrell.
Ai ka shtuar se ky është një moment i rëndësishëm dhe se palët duhet të angazhohen në dialog.
“Sa i përket dialogut mes Kosovës dhe Serbisë, ky është një moment i rëndësishëm,
mosmarrëveshja për targat ka përfunduar tashmë duhet të angazhohen në dialog me propozimin që është hedhur në tryezë me mbështetjen e fortë të Gjermanisë dhe Francës”, u shpreh Borrell.
Ai tutje ka thënë se kjo është një ditë e rëndësishme për Ballkanin Perëndimor.
“Nga ana jonë jemi tejet të përkushtuar ndaj rajonit për ta mbështetur për tu përballet me pasojat e luftës, krizës së energjisë”, tha Borrell.
