Zëvendëskryeministri i Kosovës Besnik Bislimi, ka udhëtuar dje në Bruksel.
Bislimi sot do të marrë pjesë në rundin e radhës të bisedimeve Kosovë-Serbi.
Ai pritet të takohet me kryenegociatorin e Serbisë, Petar Petkoviq.
Takimi u konfirmua mbrëmë për RTK-në nga zëdhënësi i BE-së, Peter Stano.
Stano bëri të ditur se fillimisht palët do të zhvillojnë takime të ndara me emisarin special në dialogun Kosovë-Serbi, Miroslav Lajçak, shkruan Klan Kosova.
E më pas, ky i fundit do të përpiqet të organizojë një takim trilateral.
Mbajtja e këtij takimi ishte e pasigurt në fund të javës së shkuar meqë kishte mospajtime rreth agjendës së diskutimeve.
