Një biznesmen sirian pro regjimit u vra në një sulm izraelit në makinën e tij pranë kufirit siriano-libanez sot në mbrëmje, raportojnë mediat libaneze, transmeton Anadolu.
Një dron synoi makinën e Baraa Katerjit në qytetin sirian Saboura pranë kufirit me Libanin, njoftoi televizioni Al-Mayadeen. Në sulm janë vrarë biznesmeni dhe truproja e tij.
Katerji dhe vëllai i tij Husam kishin lidhje të ngushta me regjimin e presidentit sirian Bashar al-Assad. Sipas Thesarit të SHBA-së, ata ishin nën sanksionet e SHBA-së për lehtësimin e dërgesave të karburantit për regjimin sirian.
Katerji dhe vëllai i tij kanë ndërtuar perandori biznesi të lidhur me naftën, logjistikën, transportin dhe ndërtimin.
