RTV AHIRETI
LajmeRajon dhe Botë

Bullgari, zgjedhjet e parakohëshme parlamentare do të mbahen më 2 tetor

bullgari,-zgjedhjet-e-parakoheshme-parlamentare-do-te-mbahen-me-2-tetor

Këto do të jenë zgjedhjet e katërta në periudhë prej dy vitesh

Zyra e presidentit të Bullgarisë ka bërë të ditur që zgjedhjet e jashtëzakonshme parlamentare në këtë vend do të mbahen me 2 tetor të këtij viti.

Këto zgjedhje do të organizohen si pasojë e dështimit të përpjekjes së tretë dhe të fundit për formimin e qeverisë së re në javën që lamë pas.

Presidenti Rumen Radev shpërndau parlamentin dhe emëroi Galab Donev në krye të qeverisë kalimtare.

Në qeverinë e përkohëshme të Donev që do të fillon me punë më 2 gusht, gjinden gjithsej 20 ministra, nga të cilët katër janë ish kryeministra.

Në qeverinë e dytë të përkohshme në vitin 2021, Donev shërbeu si zëvendëskryeministër dhe ministër i Punës dhe Çështjeve Sociale.

Po ashtu, në qeverinë e përkohshme, ministër i Punëve të Brendshme do të jetë Petar Demerxhiev, ministër i Punëve të Jashtme do të jetë Nikolaj Milkov, ndërsa ministër i Mbrojtjes do të jetë Dimitar Stojanov.

Qeveria e mëparshme e ish-kryeministrit Kiril Petkov ishte në pushtet vetëm gjashtë muaj.

Partia Socialiste e Bullgarisë (PSB) që më 18 korrik mori mandatin për formimin e qeverisë, zyrtarisht ia ka kthyer presidentit më 28 korrik.

Këto do të jenë zgjedhjet e katërta në periudhë prej dy vitesh. Në Bullgari erdhi deri te jostabiliteti politik që kur në qershor u votua mosbesimi ndaj qeverisë së kryeministrit Kirill Petkov. /trt

Related posts

Prigozhin deklaron tërheqjen e trupave të tij nga Moska

rezart morina

Ish-trajneri i Arsenalit, Arsene Wenger, apelon për ndihmë për të mbijetuarit nga tërmetet turke

rezart morina

“Fitimet nga asetet e ngrira do të përdoren për të ndihmuar Ukrainën”- Bashkimi Europian: Me paratë ruse do të blihen armë për të luftuar Kremlin

admin