Turqia mund të tregojë një qasje tjetër ndaj aplikimit të Finlandës për anëtarësim në NATO nga ai i Suedisë, tha ministri i Jashtëm turk Mevlüt Çavuşoğlu, raporton Anadolu Agency (AA).
“Nëse NATO dhe këto vende (Finlanda dhe Suedia) marrin një vendim të tillë, ne, si Turqi, mendojmë se mund t’i vlerësojmë aplikimet veç e veç, por para së gjithash NATO dhe këto vende duhet të vendosin”, tha Çavuşoğlu në një konferencë të përbashkët shtypi me homologun e tij portugez Joao Gomes Cravinho në kryeqytetin Ankara.
“Unë mendoj se do të ishte e drejtë të bëhej dallim midis një vendi problematik dhe një vendi më pak problematik”, shtoi ai.
Çavuşoğlu tha se homologu i tij finlandez Pekka Haavisto dhe ai bënë një vlerësim gjatë një bisede telefonike pas fjalëve të presidentit të Turqisë Recep Tayyip Erdoğan të dielën mbi qëndrimin e Ankarasë ndaj aplikimit të Finlandës në NATO.
Suedia dhe Finlanda aplikuan zyrtarisht për t’u anëtarësuar në NATO majin e kaluar, vendim i nxitur nga lufta e Rusisë kundër Ukrainës, e cila filloi më 24 shkurt 2022.
Sipas një memorandumi të nënshkruar qershorin e kaluar midis Turqisë, Suedisë dhe Finlandës, dy vendet nordike u zotuan të ndërmarrin hapa kundër terroristëve për të fituar anëtarësimin në aleancën e NATO-s.
Miratimi unanim nga të gjithë anëtarët e NATO-s – duke përfshirë Turqinë, anëtare prej më shumë se 70 vjetësh, është i nevojshëm që çdo anëtar i ri të pranohet në aleancë.
Turqia thotë se dy vendet, veçanërisht Suedia, duhet të bëjnë më shumë, veçanërisht pas një demonstrate provokuese terroriste dhe djegies së kopjeve të Kuranit të Shenjtë në Stokholm.
Në marrëveshje, Suedia dhe Finlanda ranë dakord të mos ofrojnë mbështetje për grupet terroriste si PKK dhe degët e saj, dhe FETO, dhe të ekstradojnë të dyshuarit për terrorizëm në Turqi, ndër të tjera.
#Canlı
#Portekiz Dışişleri Bakanı João Cravinho ile Ortak Basın Toplantısı#Live
Joint Press Conference with João Cravinho, Minister of Foreign Affairs of the Republic of #Portugal
Ankara https://t.co/016Kj4CN4X
— Mevlüt Çavuşoğlu (@MevlutCavusoglu) January 30, 2023
