Nëse kaloni kohë në rrjetet sociale, ekziston mundësia të keni hasur në ekspertë të fitnesit të cilët iu këshillojnë rreth rëndësisë së konsumimit të mjaftueshëm të ujit, gjatë ditës.
Teksa e dimë se trupat tanë kanë nevojë për ujë për të funksionuar siç duhet dhe për të mbijetuar, gjithashtu duhet ta dini që nëse nuk po konsumoni sasi të mjaftueshme të ujit, duhet të keni kujdes nga një efekt anësor serioz, që është mënyra se si uji mund të ndikojë në gjendjen tuaj shpirtërore.
Kjo gjë është reale dhe është vërtetuar nga shkenca. Pirja e ujit lidhet shkencërisht me disponimin e njeriut, ju ndihmon të ndiheni të kthjellët, të vëmendshëm dhe në gjendje të mirë shpirtërore.
Përmes një studimi të fundit, hulumtuesit vlerësuan atë që ndodhi kur u kërkuan dy grupeve të njerëzve që të pinin sasi të ndryshme uji. Grupi i parë përbëhej nga persona që konsumonin sasi më të lartë të ujit, por të cilëve u kërkua ta ulin këtë dozë, ndërsa grupit të dytë iu kërkua ta shtojnë sasinë e ujit që e konsumojnë, ani pse ata zakonisht kishin pirë më pak ujë gjatë ditës.
Rezultatet e studimit treguan se gjendja shpirtërore u ndikua ndjeshëm, bazuar në marrjen e ujit për te dy grupet.
Ata persona që zakonisht kishin pirë më shumë ujë në momentin që u kërkua ta ulin sasinë e konsumimit, pësuan rënie të dukshme të kënaqësisë, qetësisë, emocioneve pozitive dhe vullnetit për të bërë aktivitete.
Ndërsa grupi i njerëzve që nuk ishin konsumues të mëdhenj të ujit, por të cilëve u kërkua të pinë më shumë ujë gjatë këtij eksperimenti, e përjetuan të kundërtën e këtyre ndjenjave. Ata pësuan rënie në lodhje, hutim, etje, si dhe iu përmirësua kualiteti i gjumit.
Mungesa e pirjes së sasisë të lartë të ujit gjithashtu lidhet me kokëdhimbjet, etjen, pagjumësinë dhe vështirësinë për t’u koncentruar.
Sa shumë ujë duhet të pini për një disponim të mirë?
Nëse i referohemi studimit, grupi i njerëzve që pësoi një përmirësim të dukshëm të humorit, konsumoi rreth 2.5 litra ujë në ditë, që është baraz me 10 gota ujë. Kurse grupi që nuk ndihej aq mirë dhe pësoi një rënie të humorit të tyre, piu vetëm 1 litër ujë gjatë ditës, që nuk është e mjaftueshme për një funksion të mirë të organizmit.
Gjithashtu e rëndësishme të theksohet se çdo trup i njeriut është i ndryshëm nga tjetri, dhe kështu ndryshon edhe sasia e ujit që ju nevojitet ta konsumoni në ditë. Një mënyrë e lehtë për të përcaktuar se sa ujë duhet të pini në ditë, është përmes një llogaritjeje të thjeshtë të peshës.
