RTV AHIRETI
LajmeRajon dhe Botë

COVID-19 – Lauterbach: Kufizime për të parandaluar valën e re

covid-19-–-lauterbach:-kufizime-per-te-parandaluar-valen-e-re

Ministri gjerman i Shëndetësisë, Karl Lauterbach ka paralajmëruar për një valë të re katastrofike të koronavirusit në Gjermani në rast se nuk merren masat e nevojshme për të kontrolluar Covid-19 përpara sezonit të vjeshtës.

“Nëse në vjeshtë ne do të ishim pa masa të mëtejshme mbrojtëse, pa maska, pa asgjë, do të thoshte se numri i rasteve do të rritej ndjeshëm, dhe gjithashtu njësitë e kujdesit intensiv do të mbingarkoheshin”, tha dje Lauterbach gjatë një vizite në Uashington.

“Në të njëjtën kohë, personeli i spitalit mund të sëmuret, duke shkaktuar më shumë tendosje në sistemin shëndetësor. Do të ishte si një qiri që digjet në të dy skajet”, tha Lauterbach.

“Nevojiten masa, kjo është e qartë dhe e padiskutueshme, duhet të jemi të përgatitur”, shtoi ai.

Lauterbach tha se ai nuk dëshironte të përcaktonte se çfarë masash mund të zbatoheshin, duke thënë se këto ishin objekt i negociatave konfidenciale me degët e tjera të qeverisë, përfshirë Ministrinë e Drejtësisë.

“Baza ligjore për grupin aktual të kufizimeve të koronavirusit të Gjermanisë skadon më 23 shtator, kohë në të cilën qeveria duhet të vendosë për masat e reja”, tha Lauterbach. /atsh

Related posts

Amnesty International: Forcat iraniane kanë vrarë mbi 60 persona në juglindje të shtetit

admin

Konjufca: Serbia, shumë armiqësore ndaj Kosovës, nuk ka ndryshuar drejtim politik prej kohës së Millosheviqit

admin

Palestinë: Këtu është një përmbledhje e ngjarjeve kryesore në orët e fundit

admin6