Përmbytjet e shumta të kësaj vere kanë shkaktuar dëme të mëdha në infrastrukturën e Pakistanit, duke shkëputur shumë zona nga pjesa tjetër e vendit, raporton agjencia AP.
Urat, hotelet, digat e shumë struktura të tjera u shkatërruan.
Autostradat dhe tunelet në Baluchistan, provinca më e varfër e vendit, kanë marrë goditjen më të rëndë.
Përmbytjet kanë shkatërruar gjithashtu pjesën më të madhe të tokës bujqësore në shumë provinca të tjera, si dhe në jug të provincës Punjab, e cila është shporta ushqimore e vendit, duke i lënë fermerët pa asgjë.
Pakistani, i cili kontribuoi vetëm me 0.8% në emetimet në botë, tani përballet me dëme të vlerësuara në më shumë se 30 miliardë dollarë, më shumë se 10% e GDP-së së tij. /koha
