Një veturë është djegur në mbrëmjen e së hënës në Leposaviq. Siç raporton mediumi lokal “KoSSev”, bëhet fjalë për veturën e nënkryetares së Komunës së Leposaviqit, Dragana Miletiq.
Zëvendësdrejtori i Policisë në veri, Veton Elshani, ka thënë për KOHËN se nga zjarri është përfshirë një pjesë e veturës.
Ai ka thënë se kjo nuk mund të lidhet me çështjen e konvertimit të targave ilegale në RKS.
Elshani ka thënë se janë duke u zhvilluar hetimet për rastin.
Në fillim të qershorit, një person ishte arrestuar nën dyshimin se pati kërcënuar Miletiqin, sipas njoftimit të ministrit të Brendshëm, Xhelal Sveçla.
