Sot bëhen pesë ditë kur serbët në veri të vendit kanë vendosur barrikada në rrugë si shenjë protestimi ndaj veprimeve të institucioneve të Republikës së Kosovës.
Ndonëse situata vazhdon të jetë e tensionuar, barrikadat e vendosura nga serbët ende nuk janë larguar.
Indeksonline ka siguruar një video ku shiheshin disa automjete të KFOR-it duke u nisur drejt Veriut.
Kujtojmë se sot pritet që përfaqësuesi special i SHBA-ve për Ballkanin Perëndimor, Gabriel Escobar, të marrë rrugën drejt Beogradit.
Escobar pritet që me zyrtarët e Serbisë, të diskutojë për situatën aktual, heqjen e barrikadave në veri dhe kthimin e serbëve në institucionet e Kosovës.
