RTV AHIRETI
LajmeRajon dhe Botë

Dy anije të tjera me grurë nisen nga Ukraina për në Itali dhe Turqi

dy-anije-te-tjera-me-grure-nisen-nga-ukraina-per-ne-itali-dhe-turqi

Dy anije të tjera, që transportonin misër dhe sojë, u nisën nga portet ukrainase të Detit të Zi të hënën, thanë Turqia dhe Ukraina, duke e çuar totalin në dhjetë që kur anija e parë lundroi javën e kaluar sipas një marrëveshjeje me Rusinë për të zhbllokuar eksportet e grurit ukrainas.

Kombet e Bashkuara dhe Turqia ndërmjetësuan marrëveshjen muajin e kaluar, pas paralajmërimeve se ndalimi i dërgesave të drithërave të shkaktuara nga lufta e Rusisë në Ukrainë mund të çojë në mungesa të rënda ushqimore dhe madje edhe në shpërthime urie në pjesë të botës, raporton Reuters të hënën.

Anija “Sacura”, e cila u nis nga Pivdennyi, po transporton 11,000 ton sojë për në Itali, tha të hënën ministria e mbrojtjes e Turqisë, ndërsa anija “Arizona”, e cila u largua nga Chornomorsk, po transporton 48,458 ton misër për në Iskenderun në Turqinë jugore.

Ndërkohë, anija “Polarnet”, i cila u nis të premten, arriti në destinacionin e saj përfundimtar në Derince të Turqisë veriperëndimore të hënën në mëngjes për t’u shkarkuar, duke shënuar përfundimin e dërgesës së parë që nga rinisja e eksporteve.

Deri më tani, rreth 243,000 ton misër janë eksportuar nga Ukraina me shtatë anije që nga nisja e parë më 1 gusht, sipas të dhënave nga ministria e mbrojtjes e Turqisë.

Anijet e tjera transportonin 11,000 ton sojë, 6,000 ton vaj luledielli dhe 45,000 ton miell luledielli.

Në kohë paqeje, Ukraina eksportonte deri në gjashtë milionë tonë drithë në muaj nga portet e saj në Detin e Zi dhe bregdetin e Detit Azov. /koha

Related posts

“Ata që luajnë me zjarr, do të zhduken”: Presidenti kinez paralajmëron Biden-in për Tajvanin

admin

SHBA planifikon të riklasifikojë kanabisin si drogë më pak të rrezikshme, DEA propozon t’i njihen vetitë mjekësore

admin

Turqia, Suedia dhe Finlanda do të takohen në Ankara për bisedimet e NATO-s

rezart morina