Sot në Egjipt ka filluar votimi për zgjedhjet presidenciale, një garë mes katër kandidatëve duke përfshirë edhe presidentin aktual, Abdel Fattah al-Sisi, transmeton Anadolu.
Procesi zgjedhor do të zhvillohet për tre ditë nga ora 9:00 deri në orën 21:00 me kohën lokale.
Ndërsa presidenti al-Sisi pret të fitojë një mandat të tretë, kundërshtarët e tij janë Farid Zahran, kreu i Partisë Social Demokrate Egjiptiane, Abdel-Sanad Yamama, kreu i partisë egjiptiane Wafd, dhe Hazem Omar, kreu i Partisë Popullore Republikane.
Në 27 provincat e Egjiptit, votimi filloi në 11.631 qendra votimi brenda 9.376 selive kryesore zgjedhore, sipas medias shtetërore. Rreth 67 milionë votues kanë të drejtë të votojnë.
