RTV AHIRETI
LajmeRajon dhe Botë

Ekuadori kap nëndetësen me pesë tonë drogë në ishujt Galapagos

ekuadori-kap-nendetesen-me-pese-tone-droge-ne-ishujt-galapagos

Ushtria ekuadoriane ka sekuestruar pesë tonë drogë në një lloj nëndetëse, në brigjet e ishujve Galapagos njoftuan zyrtarët e ushtrisë.

Operacioni detar u bë në zonën që konsiderohet si trashëgimi natyrore kombëtare. Ushtria lokalizoi gjysmënëndetësen me 5 tonë substanca të dyshimta që do të kontrollohen, thuhet në deklaratën e ushtrisë.

Prej vendndodhjes së tij strategjike, Ekuadori është kthyer në një qendër logjistike të transportit të kokainës drejt SHBA, Evropës e Amerikës Qendrore, shkruan agjencia “AFP”.

Ekuadori, që gjendet mes dy prodhuesve më të mëdhenj të kokainës në botë – Kolumbisë e Perusë, ka sekuestruar këtë vit 189 tonë drogë. Rekord kishte vendosur në vitin 2021, kur sekuestroi një total prej 210 tonëve.

Ishujt Galapagos gjenden 1 mijë kilometra larg brigjeve të Ekuadorit, por po përdoren si një korridor i kalimit të drogave madje së fundmi dhe armatimeve.

Javën e kaluar ushtria tha se kishte ndaluar një anije me 122 pushkë, 48 pistoleta e 124 njësi municionesh rreth 150 milje larg ishullit të San Cristobal.

Autoritetet thanë se kur njerëzit në bord pikasën ndjekjen e rojës bregdetare hodhën në det nëntë arkat me materiale, ku më pas u gjetën armatimet.

Presidenti i ri i vendit Daniel Noboa. i zgjedhur disa ditë më parë, ka si sfida kryesore bandat e lidhura me kartelet meksikane e kolumbiane të trafikut. /koha

Related posts

25 vjet nga nënshkrimi i marrëveshjes në Paris

admin

Katari premton 25 milionë dollarë për UNRWA

admin6

ATK: 356.5 milionë euro të hyra vetëm për periudhën janar-prill 2024

RTI