Deklaratat negative të Greqisë në NATO për Turqinë nuk mund të dëmtojnë raportet midis Ankarasë dhe aleancës, deklaroi sot presidenti turk, raporton Anadolu Agency (AA).
“Qasja negative e Greqisë në NATO nuk i dobëson marrëdhëniet Turqi-NATO”, deklaroi sot para gazetarëve Recep Tayip Erdoğan pas namazit të xhumasë në Stamboll.
“Greqia nuk ka asnjë vlerë në NATO”, tha ai duke shtuar se aleanca është e fortë me Turqinë.
Vërejtjet e Erdoğan-it erdhën pasi komanda tokësore e NATO-s LANDCOM të martën shkroi një postim në Twitter për nder të 100-vjetorit të Ditës së Fitores së Turqisë, e cila shënon humbjet e mëdha të ushtrive pushtuese greke nga turqit në Betejën e Dumlupinar në vitin 1922 dhe e fshiu atë pasi Greqia i dorëzoi një ankesë Sekretarit të Përgjithshëm të NATO-s, Jens Stoltenberg.
LANDCOM të enjten postoi një postim të ri në Twitter për të uruar Turqinë me rastin e Ditës së Fitores, duke thënë: “Jemi mirënjohës që kemi Turqinë si vendin tonë nikoqir”.
Erdoğan tha se NATO “manovroi” dhe më vonë deklaroi se ata së bashku me Turqinë janë të fortë.
