Presidenti turk Recep Tayyip Erdoğan dhe presidentja e Komisionit Evropian Ursula von der Leyen diskutuan forcimin e marrëdhënieve BE-Turqi gjatë një takimi në margjinat e samitit të NATO-s në kryeqytetin lituan Vilnius, transmeton Anadolu.
“Takim i mirë (me) presidentin turk Recep Tayyip Erdoğan. E mirëpres marrëveshjen e Turqisë për të ecur përpara me pranimin e Suedisë në NATO”, shkroi Leyen në Twitter pas takimit.
Ata diskutuan gjithashtu mbështetjen e vazhdueshme për përpjekjet e palodhshme të Ukrainës dhe Turqisë për të zgjatur Iniciativën e Drithërave të Detit të Zi, shtoi ajo.
Më herët gjatë ditës, Erdoğan u takua me kryeministrat e Spanjës, Holandës dhe Greqisë, përkatësisht Pedro Sanchez, Mark Rutte dhe Kyriakos Mitsotakis.
31 udhëheqësit e aleancës ushtarake u takuan për të diskutuar luftën në Ukrainë, anëtarësimin e Suedisë në NATO dhe hapat për të forcuar mbrojtjen dhe parandalimin e grupit, ndër të tjera.
Turqia ka qenë anëtare e NATO-s për më shumë se 70 vjet dhe ka ushtrinë e dytë më të madhe në aleancë.
