Presidenti i Turqisë, Recep Tayyip Erdoğan, në një bisedë telefonike me kryeministrin armen, Nikol Pashinyan, tha se masat e ndërtimit të besimit drejt normalizimit të lidhjeve midis Ankarasë dhe Jerevanit duhet të vazhdojnë, transmeton Anadolu.
Sipas një njoftimi të Drejtorisë së Komunikimit të Turqisë, kryeministri Pashinyan në bisedën telefonike e ka uruar presidentin Erdoğan dhe popullin turk me rastin e Kurban Bajramit.
Presidenti Erdoğan, nga ana e tij, uroi që Bajrami të sjellë paqe dhe begati për mbarë njerëzimin.
Në bisedën telefonike u fol edhe për marrëdhëniet dypalëshe, ku Erdoğan tha se gjatë procesit për normalizimin e marrëdhënieve Turqi-Armeni janë marrë masa të rëndësishme për ndërtimin e besimit, duke shtuar se kjo duhet të vazhdojë.
