Presidenti i Turqisë, Recep Tayyip Erdoğan, si pjesëmarrës në Panairin për Tregti, të Shoqatës së Industrialistëve dhe Biznesmenëve të Pavarur MÜSİAD EXPO në Istanbul, ka adresuar kritika për komunitetin ndërkombëtar sa i përket vëmendjes së tyre ndaj shteteve si Somalia, Xhibuti dhe Sudani.
“Asnjë përpjekje e sinqertë e treguar nga komuniteti ndërkombëtar për Somalinë. Ne duhet të dërgojmë grurë dhe plehra në vendet e varfra pa pagesë, unë do ta adresoj çështjen në samitin e G20. Ne do të sigurojmë që anijet me grurë do të arrijnë në Somali, Xhibuti dhe Sudan”, ka thënë Erdoğan.
Presidenti turk po ashtu kritikoi mentalitetin që e percepton Evropën si “kopsht” dhe pjesën tjetër të botës si “vend i shkretë”.
“Ne nuk e pranojmë mentalitetin që e përcakton Evropën si kopsht dhe të tjerët si xhungël, sepse me këtë kuptim, afrikanët, aziatikët dhe amerikanët latinë nuk janë gjë tjetër veçse fuqi e lirë punëtore”, ka shtuar Erdoğan.
Më tutje Erdoğan shpreson se së shpejti Turqia të bëhet qendër e gazit natyror.
“Rusia do të dërgojë gaz në Evropë përmes Turqisë. Shpresojmë që së shpejti të shtojmë gazin natyror që zbuluam në Detin e Zi dhe energjinë bërthamore nga centrali Akkuyu në shumëllojshmërinë e energjisë sonë”, përfundoi Erdoğan.
Uluslararası Kadın ve Adalet Zirvesihttps://t.co/VbhfaxrD2G
— Recep Tayyip Erdoğan (@RTErdogan) November 4, 2022
