RTV AHIRETI
LajmeLajmetRajon dhe BotëTurqi

Erdogan: Turqia i kushton “rëndësi të madhe” zhvillimit të industrisë së mbrojtjes

erdogan:-turqia-i-kushton-“rendesi-te-madhe”-zhvillimit-te-industrise-se-mbrojtjes

Presidenti i Turqisë, Recep Tayyip Erdoğan, tha se vendi i tij i kushton “rëndësi të madhe” zhvillimit të industrisë së mbrojtjes pavarësisht embargove, raporton Anadolu.

“Si Türkiye, ne i kushtojmë rëndësi të madhe zhvillimit të industrisë sonë të mbrojtjes, pavarësisht nga pengesat e shumta, embargove sekrete dhe të hapura me të cilat përballemi”, tha Erdoğan në një video-mesazh për Panairin e 16-të Ndërkombëtar të Industrisë së Mbrojtjes 2023 që po mbahet në Istanbul.

Si një nga ngjarjet më të mëdha globale në fushën e mbrojtjes, panairi i cili u hap sot dhe do të vazhdojë deri të premten ekspozon disa produkte të mbrojtjes duke përfshirë automjete tokësore, armë, simulatorë, radarë, sonare, sisteme të platformave detare, sisteme aviacioni, raketa, automjete logjistike, pajisje furnizimi dhe sisteme sigurie.

“Sektori i industrisë turke të mbrojtjes ka shkruar një histori suksesi që është ndjekur me admirim nga e gjithë bota vitet e fundit. Industria jonë e ka dëshmuar vlerën e saj me automjetet e saj të blinduara, artilerinë, raketat, sistemet e mbrojtjes ajrore dhe të gjitha llojet e armëve dhe sistemeve të radarëve të testuar në zonat e konfliktit”, tha Erdoğan.

Presidenti i Türkiyes vlerësoi edhe aftësitë e vendit në teknologjinë e dronëve, duke thënë se Türkiye është ndër tre vendet më të mira në botë në këtë fushë.

“Türkiye, e cila është një nga 10 vendet që prodhon luftanijen e saj, është gjithashtu një eksportues i rëndësishëm në këtë fushë”, shtoi ai.

Türkiye po zbaton “me përpikëri” 850 projekte të ndryshme që do të lënë gjurmë në industrinë e mbrojtjes, tha Erdoğan, duke shtuar: “Vitin e kaluar arritëm një shifër eksporti prej 4,4 miliardë dollarësh. Në gjashtë muajt e parë të këtij viti, arritëm një nivel rekord eksporti prej 2,3 miliardë dollarësh. Objektivi ynë për vitin 2023 është 6 miliardë dollarë”.

Presidenti Erdoğan tha se vendi i tij nuk është i interesuar vetëm për shitjen e produkteve, por synon të krijojë partneritete afatgjata dhe të zhvillojë projekte të përbashkëta.

“Ne kemi kënaqësinë të paraqesim njohuritë dhe përvojën tonë në industrinë e mbrojtjes në dobi të miqve tanë”, tha Erdoğan.

Related posts

BE: 2022-shi viti rekord i energjisë së rinovueshme

rezart morina

Teheran, policia ndërhyn ndaj studentëve që protestuan për vdekjen e Mahsa Aminit

admin

Në klinika e spitale po trajtohen 77 pacientë me COVID-19

admin