RTV AHIRETI
LajmeLajmetRajon dhe Botë

Mali heq frëngjishten si gjuhë zyrtare

mali-heq-frengjishten-si-gjuhe-zyrtare

Me Kushtetutën e re, Mali ka hequr dorë nga frëngjishtja, e cila ka qenë gjuhë zyrtare që nga viti 1960, transmeton Anadolu.

Sipas Kushtetutës së re të miratuar me shumicë dërrmuese prej 96,91 për qind të votave në referendumin e 18 qershorit, frëngjishtja nuk është më gjuha zyrtare në Mali.

Frëngjishtja do të jetë tani e tutje gjuha e punës dhe 13 gjuhët kombëtare që fliten në vend do të marrin gjithashtu statusin e gjuhës zyrtare.

Rreth 70 gjuhë lokale fliten në Mali dhe disave prej tyre, duke përfshirë gjuhët Bambara, Bobo, Dogon dhe Minianka, iu dha statusi i gjuhës kombëtare sipas një dekreti të vitit 1982.

Presidenca e Malit njoftoi se udhëheqësi i juntës së Malit, koloneli Assimi Goita, vuri në fuqi Kushtetutën e re të vendit, duke shënuar fillimin e Republikës së Katërt në Mali.

Që nga marrja e pushtetit përmes një grusht shteti në gusht të vitit 2020, ushtria e Malit ka pohuar se Kushtetuta do të jetë kritike për rindërtimin e vendit.

Junta ushtarake fillimisht kishte premtuar mbajtjen e zgjedhjeve në shkurt 2022, por më vonë i shtyu ato për në shkurt 2024.

Related posts

Aksident i rëndë në rrugën Prishtinë-Podujevë, dy të vdekur dhe dy të lënduar

admin

Një tërmet me magnitudë 4.2 në Detin Mesdhe

admin

Rritja e rasteve: Ministria paralajmëron masa të reja shtrënguese

admin