Turqia qëndron në solidaritet të plotë me palestinezët, tha presidenti Recep Tayyip Erdoğan pas bastisjeve të fundit izraelite në qytetin e Jeninit në Bregun Perëndimor të pushtuar, raporton Anadolu.
“Allahu i mëshiroftë vëllezërit tanë palestinezë që ranë dëshmor në sulmet e ushtrisë izraelite në kampin Jenin. Turqia është në solidaritet të plotë me popullin palestinez”, tha Erdoğan në një takim të Partisë për Drejtësi dhe Zhvillim (AK) në kryeqytetin Ankara.
Sulmet e forcave izraelite në qytetet palestineze kanë çuar në përshkallëzimin e tensioneve në gjithë Bregun Perëndimor të pushtuar në muajt e fundit, duke përfshirë sulmin e së hënës në Jenin.
Të paktën 12 palestinezë u vranë dhe më shumë se 140 u plagosën në ofensivën e fundit, sipas Ministrisë palestineze të Shëndetësisë. Pesë nga viktimat ishin të mitur.
Sipas ligjit ndërkombëtar, të gjitha vendbanimet kolone hebreje në territoret e pushtuara konsiderohen të paligjshme.
AK Parti Genişletilmiş İl Başkanları Toplantısı https://t.co/vtECv9QvM3
— Recep Tayyip Erdoğan (@RTErdogan) July 6, 2023
