Ministri i ri i Punëve të Brendshme i Shqipërisë, Ervin Demo është betuar para presidentit Bajram Begaj, duke filluar zyrtarisht detyrën, transmeton Anadolu.
Pas votimit të dekretit të Begajt për emërimin e ministrit Demo në seancën e fundit parlamentare, sot është mbajtur ceremonia e betimit në Pallatin e Brigadave në Tiranë.
Demo zëvendëson në këtë post ish-ministrin Besfort Lamallari, i cili u lirua nga detyra disa ditë më parë.
Që prej shtatorit 2025, Ervin Demo ka ushtruar detyrën e ministrit të Shtetit për Pushtetin Vendor në Qeverinë e Shqipërisë, ndërsa më herët ka shërbyer si kryetar i Bashkisë së Beratit, në periudhën 2019–2025.
Gjatë prezantimit të ndryshimeve në kabinetin qeveritar disa ditë më parë, kryeministri Edi Rama theksoi se në Ministrinë e Punëve të Brendshme do të përfshihen edhe çështjet vendore.
