Emisari amerikan, Gabriel Escobar, ka thënë se aspirata e SHBA-së është që Kosova të jetë anëtare e NATO-s, Bashkimit Evropian dhe të ketë ulëse në Kombet e Bashkuara. Ai ka treguar se pse pesë shtetet mosnjohëse po i pengojnë këto procese për Kosovën.
Escobar ka thënë se është përpjekur ta bindë Qeverinë e Kosovës për marrëveshje me Serbinë.
“Kam kontakt të përhershëm me ato shtete dhe një gjë që ato e duan, që gjë për të cilën jam përpjekur ta bind Qeverinë e Kosovës, është ata duan të shohin një proces evropian në mënyrë që të përmbushen kërkesat e tyre sipas ligjeve të tyre që ta njohin pastaj. Nga perspektiva jonë është aspirata jonë që Kosova të jetë anëtare e NATO-s, BE-së dhe të ketë ulëse në Kombet e Bashkuara. Por, disa prej vendeve nuk mund ta njohin pa një marrëveshje dypalëshe Kosovë-Serbi, të tjerat nuk duan ta njohin për shkak të shpalljes së pavarësisë. Për këtë marrëveshja e Ohrit na jep mundësinë më të madhe në 15 vjet me Qeverinë e Kosovës që të fillojmë jo vetëm një fushatë të njohjeve evropiane, por edhe globale. Këto shtete duan të shohin vullnetin e mirë nga Kosova që të përmbushë pjesën e vet që është Asociacioni”, ka thënë ai.
Escobari ka shtuar se i ka kërkuar Qeverisë së Kosovës që ta formojë Asociacionin me mbështetjen amerikane pasi siç ka nënkuptuar ai, ashtu sigurohet se Asociacioni nuk do ta shkelë Kushtetutën e rendin shtetëror.
“Një prej arsyeve pse e kemi inkurajuar Qeverinë e Kosovë që të vazhdojë përpara me këtë me mbështetjen amerikane në një mënyrë që siguron se ky Asociacion të mos shkelë Kushtetutën, strukturën juridike apo funksionalitetin e shtetit. Deri sot nuk e kemi arritur këtë afrim nga Qeveria e Kosovës”, ka thënë ai.
