RTV AHIRETI
LajmeRajon dhe Botë

Familja nga Gaza e bllokuar nën rrënojat e shtëpisë gjatë sulmit izraelit u shpëtua pas 9 ditësh

familja-nga-gaza-e-bllokuar-nen-rrenojat-e-shtepise-gjate-sulmit-izraelit-u-shpetua-pas-9-ditesh

Një familje nga Gaza e bllokuar nën rrënojat e shtëpisë së tyre të bombarduar gjatë sulmeve izraelite u shpëtua 9 ditë më vonë me mundësi të kufizuara, transmeton Anadolu.

Pas operacionit të shpëtimit, Njësia e Mbrojtjes Civile Palestineze bëri një deklaratë me shkrim.

“Pasi kaluan 9 ditë nën rrënoja, pavarësisht përdorimit të mundësive të kufizuara dhe pajisjeve primitive, ekipet tona arritën të shpëtonin gjallë në kushte të vështira fëmijën e quajtur Ahmed Naim dhe 4 anëtarë të familjes së tij”, u theksua në deklaratë.

“Pasi kaluan kaq gjatë nën tokë dhe rrënoja, trupat e anëtarëve të familjes ishin pothuajse si skelete”, shtoi deklarata duke bërë të ditur se familja është shtruar në spital për trajtim.

Naim, një fëmijë palestinez 10-vjeçar i cili u shpëtua nga rrënojat në lagjen Az-Zaytun në veri të Rripit të Gazës, kishte mbetur lëkurë e kockë, ndërsa ekipet e shpëtimit e nxirrnin me një vëmendje të madhe nga rrënojat.

Më 20 shkurt, ushtria izraelite njoftoi se kishte nisur një sulm tokësor në lagjen Az-Zaytun, ku qindra familje palestineze u zhvendosën dhe u bombarduan dhjetëra shtëpi. Të paktën 30 palestinezë humbën jetën dhe dhjetëra të tjerë u plagosën në sulm.

Izraeli, në sulmet ndaj Rripit të Gazës që nga 7 tetori vrau të paktën 30.035 palestinezë, përfshirë 12.230 fëmijë e 8.860 gra, ndërsa plagosi 70.457 të tjerë.

Related posts

KFOR-i vlerëson të stabilizuar situatën, largon njësitet nga objekti i Komunës së Zveçanit

admin6

Australia: Izraeli “do të humbasë mbështetjen nëse nuk ndryshon kursin e tij”

rezart morina

Kurti në takim me senatorët amerikanë: Kosova mbetet aleate e SHBA-së

rezart morina