Forcat izraelite kanë arrestuar 50 palestinezë në Bregun Perëndimor nën pushtim, transmeton Anadolu.
Në një deklaratë me shkrim nga Shoqata e të Burgosurve Palestinezë thuhet se forcat izraelite vazhdojnë operacionet e tyre për arrestimin e palestinezëve në Bregun Perëndimor dhe Kudsin Lindor.
Në këto operacione u arrestuan 50 palestinezë. Të arrestuarit janë nga qytetet Al-Khalil (Hebron), Kuds, Ramallah, Ariha (Jericho), Nablus dhe Jenin, thuhet në deklaratë.
Më tej vihet në dukje se ka arritur në 2.520 numri i palestinezëve që forcat izraelite kanë arrestuar që nga 7 tetori e deri më tani.
Forcat izraelite që nga 7 tetori e deri më tani krahas bombardimeve në mënyrë intensive në Rripin e Gazës, zhvillojnë edhe operacione arrestimesh me pretendime të ndryshme kundër palestinezëve në Bregun Perëndimor dhe Kudsin Lindor.
