RTV AHIRETI
LajmeRajon dhe Botë

Forcat izraelite arrestuan 17 palestinezë, kryesisht studentë

forcat-izraelite-arrestuan-17-palestineze,-kryesisht-studente

Ushtarët izraelitë kanë arrestuar 17 palestinezë, dhjetë prej të cilëve studentë, gjatë bastisjeve të tyre në pjesë të ndryshme të Bregut Perëndimor të pushtuar, transmeton Anadolu Agency (AA).

Shoqata e të Burgosurve Palestinezë deklaroi se forcat izraelite kryen bastisje në shumë qytete si dhe në Ramallah.

Më tej u njoftua se 17 persona u arrestuan në bastisje, përfshirë dhjetë studentë palestinezë nga Universiteti ‘Birzeit’.

Dëshmitarët okularë theksuan se ushtarët izraelitë bastisën një shtëpi në Abud në perëndim të Ramallahut dhe arrestuan një grup studentësh. Forcat izraelite raportohet se kanë mbyllur qytetin për trafikun përpara se të arrestonin studentët.

Forcat izraelite, të cilat bastisin shpesh shtëpitë në Bregun Perëndimor të pushtuar dhe në Kudsin Lindor, arrestojnë palestinezë me akuza të ndryshme.

Related posts

Peleshi takon homologun e Kosovës: Vijojmë mbështetjen në proceset euroatlantike

rezart morina

Çmimet e grurit rriten mbi 5 për qind pasi Rusia pezulloi marrëveshjen e Istanbul-it

admin

Erdoğan: Ne do të ndërtojmë bashkë “Shekullin e Turqisë” – VIDEO

rezart morina