Forcat izraelite arrestuan 40 palestinezë gjatë bastisjeve në rajone të ndryshme të Bregut Perëndimor të pushtuar, transmeton Anadolu.
Shoqata e të Burgosurve Palestinezë dhe Komiteti për Çështjet e të Burgosurve Palestinezë i lidhur me Organizatën për Çlirimin e Palestinës bënë një deklaratë të përbashkët me shkrim për këtë çështje.
Në deklaratë, thuhet se forcat izraelite bastisën rajone të ndryshme në Bregun Perëndimor dhe arrestuan 40 palestinezë, përfshirë ish të arrestuar.
Në deklaratë thuhet se operacionet e paraburgimit ishin të përqendruara në qytetet Jenin dhe Betlehem dhe se të arrestuarit dhe të afërmit e tyre u janë nënshtruar rrahjeve dhe kërcënimeve gjatë bastisjeve dhe se shtëpitë e tyre janë shkatërruar.
Numri i personave të ndaluar në Bregun Perëndimor të pushtuar dhe Kudsin Lindor që nga 7 tetori është rritur në 3.580.
Që nga 7 tetori, kur forcat izraelite filluan sulmet e tyre në Gaza, ka pasur një rritje të ndalimeve dhe bastisjeve ndaj palestinezëve në Bregun Perëndimor dhe Kudsin Lindor.
