Një palestinez u qëllua për vdekje të mërkuren nga forcat izraelite të sigurisë, njoftuan autoritetet, transmeton Anadolu Agency (AA).
Ministria palestineze e Shëndetësisë tha se ushtarët izraelitë vranë Mujahed Mahmoud Hamed-in, 32 vjeç, pranë qytezës Silwad në lindje të Ramallahut.
Ushtria izraelite tha se pranoi një raportim se një makinë kishte hapur zjarr në një post ushtarak pranë vendbanimit kolon izraelit Ofra në afërsi të Ramallahut.
Ushtria shtoi se ushtarët u përgjigjën duke qëlluar në automjet.
Sipas transmetuesit publik izraelit KAN, ushtarët kanë ndjekur makinën, e cila është larguar drejt fshatit palestinez Ayn Yabrud, dhe kanë qëlluar personin brenda automjetit.
Dëshmitarët thanë se pas incidentit, forcat izraelite ngritën postblloqe dhe bllokuan disa rrugë, duke izoluar fshatra dhe qytete në pjesën lindore të Ramallahut nga pjesa tjetër e qytetit.
