Të paktën 10 persona u raportuan të vrarë në sulmin e marrë përsipër nga grupi al-Shabab, ndërsa forcat e sigurisë vazhdojnë të luftojnë me personat e armatosur të ngujuar brenda hotelit.
Të paktën 10 persona u raportuan të vdekur pasi persona të armatosur sulmuan një hotel në kryeqytetin e Somalisë, Mogadishu, pas dy shpërthimeve me makina bombë dhe të shtëna me armë, thanë zyrtarët dhe mediat lokale.
Persona të armatosur sulmuan hotelin Hayat, i cili dihet se frekuentohet nga zyrtarë qeveritarë, të premten në mbrëmje pas një breshërie armësh dhe shpërthime bombash.
Grupi i armatosur al-Shabab mori përgjegjësinë për sulmin – i pari që nga zgjedhja e presidentit të ri të Somalisë, Hassan Sheikh Mohamud, në maj.
Sulmi vjen pasi forcat qeveritare kanë shtuar operacionet kundër al-Shabab dhe ndërsa presidenti i Somalisë Mohamud ka premtuar të eliminojë grupin e armatosur
Udhëheqja e al-Shabab ka premtuar gjithashtu të rrëzojë qeverinë e Mohamudit.
Al-Shabab ka luftuar për të rrëzuar qeverinë somaleze për më shumë se 10 vjet. Ajo dëshiron të vendosë sundimin e saj bazuar në interpretimin e rreptë të sheriatit.
Luftëtarët e Al-Shabab u dëbuan nga kryeqyteti në vitin 2011 nga forca e Bashkimit Afrikan, por grupi i armatosur ende kontrollon zona të gjera rurale. /mesazhi
