100 komuna kanë mbetur pa ujë të pijshëm, Holanda dhe Italia po përballen gjithashtu me temperaturë ekstreme
Qeveria franceze ka ngritur një ekip krizash për të trajtuar një thatësirë historike që ka lënë më shumë se 100 komuna pa ujë të pijshëm .
“Kjo është një situatë që nuk e kemi parë ndonjëherë. Kamionët po çojnë ujë në ato zona, pasi “nuk ka mbetur asgjë në tubacione”, tha Ministri për Tranzicionin Ekologjik Christophe Béchu. Kryeministrja Elisabeth Borne ka paralajmëruar se Franca po përballet me “thatësirën më të rëndë” të regjistruar ndonjëherë në vend.
Vala e të nxehtit që e ka goditur vendin për herën e katërt këtë vit ka bërë gjithashtu që një pjesë e pemëve të thahen duke mos krijuar hapësira me hije. Shërbimi kombëtar meteorologjik francez ka parashikuar për një rritje deri në 37 gradë Celsius edhe përgjatë ditëve në vijim.
Të korrat e misrit pritet të jenë 18.5% më të ulëta këtë vit krahasuar me vitin 2021. Ndërkohë, një mungesë e foragjereve për shkak të thatësirës nënkuptonte se mund të kishte mungesë qumështi në muajt në vijim, ka bërë të ditur Federata Kombëtare e Sindikatave të Fermerëve. Kufizimet e ujit janë vendosur pothuajse në të gjithë Francën kontinentale dhe qeveria ka bërë thirrje për të kursyer ujin.
Destinacionet e njohura turistike në Itali si Firence dhe Palermo janë në mesin e 16 qyteteve italiane që janë vendosur në listën e “alarmit të kuq”, me temperatura që kalojnë 40°C. Prodhimi i orizit në luginën e lumit Po është nën kërcënim të madh, pasi thatësira dhe moti i nxehtë vazhdojnë të shkaktojnë tharjen e plotë të arave. Fermerët thonë se të korrat e orizit mund të dëmtohen me vite nga përmbajtja e kripës.
Qeveria holandeze ka bërë sërish thirrje që të kursyer ujin. Autoritetet kanë vendosur kufizime në bujqësi dhe transportin detar. Thatësirapritet të vazhdojë dhe masat e mëtejshme për të ruajtur ujin gjatë thatësirës janë duke u marrë në konsideratë . Shtete të tjera të Evropës kanë përjetuar dhe vijojnë të përballen me thatësirë ekstreme. /tvklan
