Në Francë, 23 rajone kanë kaluar në nivelin e alarmit portokalli për shkak të stuhisë Gerard, e cila është e efektive në veri të vendit, transmeton Anadolu Agency (AA).
Sipas lajmit të kanalit të televizionit francez BFMTV, stuhia është efektive në Ile-de-France në të cilin përfshihet edhe kryeqyteti Paris, si dhe në pjesët veriore të vendit, përfshirë Normandinë dhe Pas-de-Calais, që kanë brigje në La Mansh.
Për shkak të stuhisë së emërtuar “Gerard”, në 23 rajone të vendit është dhënë alarmi portokalli.
Pritet që stuhia e fuqishme të rrisë intensitetin e saj dhe që shpejtësia në disa zona të arrijë deri në 160 km në orë.
Shpejtësia e erës e cila gjatë natës është ndierë fort edhe në majën e Kullës Eifel, një prej simboleve turistike të Parisit, arriti deri në 132 km në orë.
Sipas Institucionit Meteorologjik, për shkak të stuhisë në nivelin e alarmit të verdhë kanë kaluar edhe rajonet Deux-Sevres, Vienne, Charente-Maritime, Charente, Finistere, Morbihan, Indre-et-Loire, Indre, Loir-et-Cher, Maine-et-Loire dhe Cher.
– Anulohen udhëtimet e trenave, ndërpritet energjia elektrike
Për shkak të stuhisë, shumë trena nuk do të ofrojnë shërbime deri në orë të caktuara brenda ditës në rajonin e Normandisë.
Kompania zyrtare hekurudhore SNCF e Francës, para fillimit të udhëtimeve do të zhvillojë udhëtime testimi me trenat zbulues për të kontrolluar situatën e hekurudhave.
Po ashtu për shkak të stuhisë Gerard është ndërprerë energjia elektrike e 75 mijë shtëpive në rajonet veriore.
Në kategoritë e alarmeve jeshil, të verdhë, portokalli dhe të kuq që përdoren për paralajmërime, niveli i verdhë tregon kujdes, portokalli mundësinë e lartë të rrezikut dhe e kuqja tregon situatën me rrezikun më të lartë.
