Fruthi është një sëmundje infektive e shkaktuar nga një virus. Haset më shpesh te fëmijët dhe përhapet nëpërmjet kollitjes, teshtitjes e ndonjëherë edhe puthjes. Pasi personi është infektuar nga virusi, sëmundja zakonisht merr 10 deri në 12 ditë (ndonjëherë mbi 21 ditë) që të zhvillohet.
Simptomat:
-Temperaturë
-Dobësi ose lodhje
-Bllokim ose rrjedhje e hundëve
-Dhembje e fytit
-Humbje e oreksit
-Lodhje ose kruarje e syve
-Kollë e thatë
-Ndjeshmëri ndaj dritës
Komplikacionet
Fruthi është një sëmundje serioze, që mund të sjellë komplikacione për një të tretën e njerëzve të prekur. Komplikacionet mund të përfshijnë infeksionet e veshit, pneumoni dhe fryrje të trurit.
Ndonjëherë mund të jetë fatal duke shkaktuar një dëmtim të përhershëm të trurit.
Sipas mjekëve, nuk ka një trajtim specifik për fruthin (përveç lehtësuesve të simptomave), ndaj dhe parandalimi i tij nëpërmjet imunizimit është shumë i rendësishëm.
