Ministria e Shëndetësisë në Gaza njoftoi se numri i të vrarëve nga sulmet izraelite në enklavën e rrethuar palestineze është rritur në 26.900 që nga 7 tetori, transmeton Anadolu.
Ministria e Shëndetësisë lëshoi një deklaratë pasi sulmi vdekjeprurës izraelit hyri në ditën e 117-të.
Në deklaratë thuhet gjithashtu se 65.949 persona të tjerë janë plagosur në sulmet, duke theksuar se në 24 orët e fundit, ushtria izraelite kreu 16 “masakra” në të gjithë Rripin e Gazës, duke lënë 150 të vdekur dhe 313 të tjerë të plagosur.
“Shumë njerëz janë ende të bllokuar nën rrënoja dhe ekipet e shpëtimit nuk mund të arrijnë deri te ata”, thuhet në deklaratë.
Sipas OKB-së, rreth 85 për qind e banorëve të Gazës janë zhvendosur nga sulmi izraelit, të gjithë përballen me pasiguri ushqimore. Qindra mijëra njerëz jetojnë pa strehë, ndërsa më pak se gjysma e kamionëve me ndihma po hyjnë në territor sesa përpara fillimit të konfliktit.
