Gjiganti energjetik rus “Gazprom” ka publikuar një video të Evropës “duke u ngrirë për vdekje”, pa gazin rus. Ishte një video për të tallur Perëndimin, raporton “The Sun”.
Video dyminutëshe e Gazpromit vjen vetëm pak ditë pasi ka vendosur që të ndalojë në kohë të pacaktuar furnizimin e Evropës me gaz natyral nëpërmjet gazsjellësit Nord Stream 1.
Në videon me titullin “Dimri do të jetë i madh”, gjiganti rus tregon Evropën e “ngrirë” në një “epokë akulli”, pasi ndal furnizimet me gaz.
Në video shihen pamje ajrore të kryeqendrave të Evropës Perëndimore, përfshirë Berlinin, Parisin dhe Londrën, të mbuluara me borë dhe akull.
Rusia ka thënë se sanksionet e Perëndimit janë fajtore që furnizimi i Gjermanisë me gaz rus nëpërmjet gazsjellësit Nord Stream, është ndaluar.
Të hënën, Kremlini ka thënë se sanksionet e Perëndimit po pengojnë renovimet në gazsjellës, duke shtuar se është mbyllur për riparime. /koha
