Gjatë ditës së djeshme në fshatin Rugovë të Komunës së Gjakovës dyshohet se një person ka gjetur vdekjen pasi që është goditur nga rrufeja.
Kështu ka bërë të ditur Policia e Kosovës në raportin e saj 24-të orësh.
‘’Raportohet se në një fushë është gjetur pa shenja jete viktima mashkull kosovar. Vdekjen e viktimës e ka konstatuar ekipi mjekësor në vendin e ngjarjes. Dyshohet se viktima ka vdekur si pasojë e goditjes nga rrufeja’’, thuhet në njoftim.
Më tutje është bërë e ditur se me vendim të prokurorit trupi i pajetë është dërguar për obduksion.
